لا تكن بطلا بل كن حكيما


كان هناك أخوان يحبان بعضهما محبة عظيمة، ويعيشان بانسجام تام في مزرعتهما التي يعملان سوياً في زراعتها والعيش من خيرات الله فيها.. حتى جاء يوم اختصما فيه وعظمت المنازعة رغم أن البداية كانت بسوء تفاهم بسيط

اتسعت الهوَّة بينهما، وانفصلا عن بعضهما فعاش كل منهما على طرف من المزرعة كي لا يقترب أحدهما من الآخر أو يكلمه وكان يفصل بينهما جدول ماء

بعد فترة من الزمن طرق باب الأخ الأكبر رجل يبحث عن عمل وقال إنه يعمل في البناء.. ففكر صاحبنا في الأمر ملياً ثم قال له: أترى ذلك المسكن الذي على الطرف الآخر من الجدول؟ هناك يسكن أخي ونحن متخاصمان لا نكلم بعضنا منذ فترة، بعد أن أهانني بكلامه بصورة جارحة، وأريدك أن تبني لي جداراً أمام بيتي بحيث لا أراه، وأنا مسافر لمدة قصيرة وعندما أعود تكون قد أنهيت عملك، وبذلك أُظهر له أن بإمكاني أن أنتقم منه لفعلته

فأجابه البنّاء: أظنني أتفهم الوضع

وسافر الأخ في رحلته

بعد أسبوعين عاد وكان معلم البناء قد أتمّ عمله؛ ولكن المفاجأة كانت عظيمة

لقد قام ببناء جسر فوق النهر بدل الجدار الفاصل، وبالصدفة في نفس لحظة وصول أخينا الكبير كان الأخ الأصغر خارجاً من بيته فرأى أخاه فجرى بسرعة وعبر الجسر وهو يصرخ فرحاً: أنت فعلاً إنسان عظيم.. تبني جسراً بيننا بعد كل ما فعلته معك؟ أنا فعلاً فخور بك

وهكذا لم يجد صاحبنا نفسه إلا وهو يصالح أخاه ناسياً كل الأحقاد، وتسامحا بكل ود

**********************

لا تكن بطلا بل كن حكيما ، فالحكيم يتعظ من تجارب الأبطال

كونوا بنّائي جسور محبة ومودة ورحمة بين البشر تجمعون وتصالحون

لا تبنوا أبداً جداراً فاصلاً

عندها تصلوا إلى المصالحة الحقيقية

مما قرأت

تعليقات

  1. ألف ألف ألف مليون مبروك ع المدونة :))))
    نورتي البلوجر يا حرمنا المصون :))))
    إن شاء الله تكون قدم خير علينا وتتملي مواضيع مميزة وجميلة وتتنور بتعليقات الناس الحلوين :))))
    البوست جميل ومغزاه حلو أوووي ، تسلم إيدك والله :))))
    بس هو يا ريت بعد إذنك تذكري المصدر المنقول منه ، إحقاقاً للحق يعني :))))

    ربنا يفرحك ويسعدك ويريح قلبك ويحفظك من كل سوء وشر ويبارك لي فيكي ولا يحرمني منك أبداً يا رب

    زوجك / شريف

    :)

    ردحذف
  2. جميلة فعلا القصة والعبرة يا بنوتة

    مبروك عليكي المدونة الجديدة الجميلة

    واللي فهمته من اسمها انها هدوء وسكون ؛)

    يا رب تكون مبعث السكينة في قلوبكم يا رب

    سعيدة اني أول تعليق بعد اصحاب المدونة ^_^

    ردحذف
  3. مبروك علي المدونة
    نورتي بلوجر
    وان شاء الله نتواصل
    وماشاء الله البداية جميلة
    :)

    ردحذف
  4. حكمة رائعة حقا سلمت اناملك
    تحيتى

    ردحذف
  5. عجبتنى جدااااااااااا وياسلام بقى لو يتعمل بيها تخيلى الدنيا هتبقى فللى

    ردحذف
  6. P A S H A
    :-))

    الله يباركك فيك ويباركلك يارب

    البلوجر منور بيك إنت قبلي يازوجنا الموقر ، وبتعليقات الناس الحلوين
    :-))
    وإن شاء الله تكون قدم خير علينا كلنا

    البوست فعلا موضوعه عجبني لما قريته وياسلام فعلا لو يتحقق مغزاه بجد ..تخيل معايا كده إيه اللي ممكن يحصل ؟! .. حاجات ومفاهيم ومعاملات و ...... إلخ ، كل ده هيتغير وهتبقى حاجات تانية خالص .. بس مين يسمع ؟

    وبالنسبة للمصدر اللي أخدت الموضوع منه حقيقي أنا ما أعرفهوش ، بس وعد أما أكون عارفة المصدر هفيدك بيه إن شاء الله إحقاقا للحق .
    ربنا يارب يسترنا ويحفظنا من كل سوء ويبعد عننا كل شر .. اللهم آمين :-))

    زوجتك / بنت باشا

    ردحذف
  7. E73

    :-)

    أنا مبسوطة جدا إنها عجبتك ياجميلة

    الله يبارك فيكي يارب ياقمر ، وبالنسبة لإسمها إحنا ما قصدناش المعنى ده بالضبط ، بس هي لفتة نظر حلوة منك بجد .. نحييكي عليها :-))

    اللهم أمين يارب

    إحنا اللي أسعد بكتير بجد و ده يشرفنا إنك تكوني أول تعليق ياقمر

    شرفتينا بزيارتك الرقيقة ومرورك الطيب :-))

    ردحذف
  8. شمس النهار

    :-)
    الله يبارك في حضرتك يارب
    البلوجر منور بالناس الطيبة اللي زي حضرتك بجد

    وبإذن الله يكون في تواصل ونتعلم منكم المزيد

    الله يخلليكي يارب ، ويارب يجعلها بداية خير إن شاء الله
    وحقيقي أنا سعيدة جدا أن التدوينة عجبت حضرتك بجد
    :-))

    شرفتينا بزيارة حضرتك وتشجيعك الراقي

    ردحذف
  9. Carmen

    :-)

    الله يكرمك يارب ياجميل ، تسلمي يارب
    سعيدة أنها عجبتك بجد

    شرفتينا بزيارتك الجميلة ومرورك الرقيق
    :-))

    ردحذف
  10. reemaas

    :-)

    أسعدتيني بجد أنها عجبتك حقيقي .
    وعلى رأيك فعلا تخيلي بجد لو اتعمل بيها .... ياااااه
    قولي يارب

    نورتينا ياقمر وشرفتينا بمرورك الرائع
    :-))

    ردحذف
  11. يايريت نقدر نتعلم التسامح ويملى الخير قلبنا وربنا يقدرنا على ذلك
    تحياتي

    ردحذف
  12. eng_semsem

    ياريت والله بجد
    اللهم أمين يارب
    :-))

    سعدنا بمرورك الطيب وتعليقك الراقي

    ردحذف
  13. لسه مقريتش حاجه بس حبيت ابارك المدونه وفك حصارك من باشا
    الف مبروك والله فرحت جدا انك ليكي مدونه خاصه
    تحياتي

    ردحذف
  14. الله!!!
    هى بنت باشا تبقى
    حرم شريف باشا على
    سن ورمح !!ياعنى انتى
    بنت باشا وزوجة باشا كمان:)
    ياااااااااااااااااااوعدى:)

    ردحذف
  15. حلوة القصة اوى
    وكمان فعلا ممكن تصالح
    اتنين متخاصمين بلباقة
    وذوق منك من غير ما يحسوا
    ويبقى لك الأجر والثواب مش
    منهم وبس وعند ربنا كمان

    ردحذف
  16. وصف الاحساس

    :-)
    يارب تعجبك لما تقريها إن شاء الله
    الله يبارك فيكي ياقمر
    هههههههههههههههههههه
    ياخبر .. لا والله مش للدرجة دي حرام هو مش ليه ذنب
    :-)
    أنا فرحانة أكتر لفرحك بمدونتنا المتواضعة
    وإن شاء الله نتواصل فيها على طول
    :-))
    سعدت جدا بمرورك الجميل وتعليقك الأجمل

    ردحذف
  17. norahaty

    :-))
    شفتي إزاي ؟؟ إيه رأيك ف المفاجأة دي بقااااااا ؟؟
    يارب تكون عجبتك ياجميل :-)

    بالنسبة للقصة ، أنا حسيت إن ليها مغزى عميق أوي وأنا بقرأها ، وقلت أنشرها يمكن زي ماأفادتني تفيد غيري.
    وهنيالك يافاعل الخير والثواب
    :-))

    شرفتيني وأسعدتيني بجد بتعليقك المميز وزيارتك الجميلة وإن شاء الله نتواصل دائما
    :-)

    ردحذف
  18. جميله اوي القصه بحييكي علي اختيارها كبدايه
    بس في سؤال محيرني ايه معني اسم المدونه ويتنطق ازاي
    تحياتي لباشا وبنت باشا

    ردحذف
  19. قصة جميلة جدًا بصراحة ،
    الأخ الأكبر كسب بعد كل شيء !
    ظن أخوه أنه صاحب هذه الفكرة و تصالحا !
    يا لذكاء البنَّاء و فطنته !

    ماذا كان ليحدث لو بنى البنَّاء الجدار ؟؟
    ربما سيموتان و كل واحدٍ منهما حاقد على الآخر !

    يا الله !

    قصة جميلة جدًا ...

    تحيآاتي لكِ ..

    ردحذف
  20. وصف الاحساس
    :-))

    أنا سعيدة إن القصة عجبتك .. ويارب اللي جي يكون أحسن إن شاء الله
    بالنسبة لمعنى اسم المدونة :

    ممممم .. السُكوندُوء : هو لفظ عامي مش دارج أوي أو متداول كتير ومش منحوت من لفظ معين ، مقصود بيه أي مكان مخفي ومش ظاهر تقدري تخبي فيه الحاجة الصغيرة .

    يعني مثلاً تقولي : أنا هاخبي الورقة دي في السكوندوء ، ويكون السكوندوء ده مثلاً جوه كيس مخدة أو تحت ورقة جرنان في درج أو ممكن يبقى جيب البنطلون الجينز الصغنن اللي بنشيل فيه الفلوس المعدن ، عارفه لما كان بيقول لك تفتح الباب تلاقي دهليز تخلص الدهليز تلاقي دهليز تاني D:
    تقدري تقولي أن السكُوندُوء ده هو المكان اللي بنشيل فيه الحُفوبروق.. نياهاهاها

    واختيار اسم المدونة "سُكُوندُوء" كان على أساس أنها تبقى المكان الصغنن اللي أقدر أحط فيه أي حاجة تيجي على بالي مهما كانت صغيرة لأنها مش هاتتوه هنا ، عشان يبقى مكاني الصغنن أنا وكل الناس الحلوة دي :-)

    تحياتي ليكي ياقمر
    نورتينا بزيارتك الجميلة :-)

    ردحذف
  21. dodo, the honey

    :-)
    تحليلك للقصة بجد هو الأروع .

    أسعدتيني أنها أعجبتك ، وإن شاء الله نكون في تواصل
    :-))

    سعدت بمرورك الطيب وتعليقك الجميل

    ردحذف
  22. مبروك المدونة واتمنى لك كل التوفيق بتدوينات متميزة

    ردحذف
  23. مها جمال

    :-))
    الله يبارك فيكي ياقمر ، وربنا يكرمك يارب ، وإن شاء الله نكون في تواصل

    سعدت جدا بمرورك بمدونتي المتواضعة
    :-)

    ردحذف
  24. MindEktomia
    :-))

    ربنا يكرمك يارب
    العظمة لله وحده

    سعدنا بمرورك بمدونتنا المتواضعة

    ردحذف